KUM KHAT SUNG AA NIPI DANG TE ( 17 ) NA - C - KUM
LAI SIENG THO MASA. Siemcilbu 18: 20-32
Tua zaw in, Topa’n Sodom leh Gomarah kigensie nak mama leh, amawna uh zong let vaalkai ahi zieh in, kava kuansuh ding aa, kakung aa thu hingkigen dungzui in, agamtat sie na uh amah ci, kavathei tading hi, acihi. Tua ciin, tuapan in mite ki hei in, Sodom lam ah pei uh aa, ahi zong in Topa mai ah, Abraham ading lai hi. Abraham in ava neh aa, a khielte leh akhiel lote akibang in, na Susie samding amah? Gente na’n, tua khuapi sung ah midih sawmnga om leh tua sawm nga te zieh in, tua khuapi susie lo in na om diei? Thu man mite, migilote tawh ahki bah na ding in, natha ton ding, pieng thei mawh ding amah? Pieng thei sihva, leitung mite thu khenpa amaan in gamta loding amah, aci hi. Topa in Sodom khuapi sung ah thu maan mi sawm nga ka mu leh, amaute zieh in, tuakhuapi ka susie ding hi acihi. Abraham in thu genkia leu leu aa, En in, keima leivui leh vut abang lel Topa tung ah thu kang ngam pen ei mai sah in. Thumaan mi sawm nga te lah ah nga om sih hinleh hi leh? Tua ngate ah op lo zieh in, khuabup pi na susie veve diei? aci hi. Ama in, tua sung ah sawmli le nga ka mu nah leh ka susie dinghi, aci hi. Abraham in ama kung ah thu gen kia aa, tuasung ah sawmli beh omleh ee? Ama’n dawng aa, sawmlite zieh in zong, ka siesah ding hi, aci hi. Tua zaw in, Abraham in, aw, Topa na lung thah sinlen ka hing gen kia lai hi. A ge’ntena’n, sawmthum bang beh kimutale ee? Ama’n, sawmthum, kamu le zong kabawlsiesih ding hi. Abraham in, ngaivawi, Topa nakung ah thu kahing genkia ding hi. Agentena’n, sawmnih beh kimu taleh ee? Ama’n, sawmnih te zieh in zong ka susie sih ding hi, ciin adawng hi. Tuazawin, Abraham in, aw Topa khat vei kahing genkia lai ding aa, na lungthah sinlen, agentena’n, sawm kimu le ee? Ama’n dawng aa, sawmte zieh in zong kasusie ding hi, aci hi.
Ta mi’n Pasien’ kam mal ahi hi.
TOPA PASIEN TUNG AH IH LUNG DAM HI.
LA PI TE. Ps. 138: 1-3. 6-8. R/ v.3
Ki dawn na: Nang kang hat ni- in, kei nei dawng hi, Topa aw.
1. Topa aw, ka lungsim zosie tawh nangma tungah lungdam kang
kohi.Pasiente mai-ah nangma phatna la-in ka sa hi. Na biehinn
siengtho lam mai-ngat in kang kun hi. ( R )
2. Na itna kip le na thumanna zieh in na min-ah lungdam kang ko
hi; Nang in na zosie sangin na min le na thu na sanglap zaw hi.
Nang kang hat ciengin, kei nei dawng a, ka lungsim thahatna
nakhangsah hi.( R )
3. Topa pen saang mama napi, miniemte thusim in; hinanleh mi
kiphasahte gamlapi panin amu hi. Hamsatna lah-ah ka pei
vangin, ka galte lungthahna panin kei nei kem hi.(R)
4. Na khut zaah in len, kei ei hunkhie hi. Topa in kei dinga a
tupna atangtungsah ding hi; Topa aw, na itna kip kumtawn in a
kho hi.(R)
LAI SIENG THO ( 2 ) NA. Colose mite. 2:12-14
Tuiphumna sungah Khris tawh kivuiton in na om uh aa, sina pan, ama a thosah Pasien' nasepna sungah upna tungtawn in nohaw zong ama tawh ang thotonsah kiata hi. Tualeh, nohaw khielna sungah si in teptan lote, Pasien in ama tawh ang hingtonsah ta uh aa, na khielna zosie uh hing maisah in, eihaw ei do, eihaw taanga a pang, loh kia ding leiba cieptena dan (thu kham) thupiehte zosie su-mai mang in, singlamte tungah a kildet ta hi.
Ta mi’n Pasien’ kam mal ahi hi.
TOPA PASIEN TUNG AH IH LUNG DAM HI.
TAANG KO NA: Rome.8:15
Alleluia, Alleluia,
Tapate hi na hlagau na nga zo ta uh aa, tua mi’n "Abba! Pa aw!,"
na ci thei na uh ahi hi.
Alleluia, Alleluia,
LUNG DAM NA LAI SIENG THO. Luke. 11:1-13
Khatvei Jeshu mun khat ah thu ngen in om aa, a man ciengin, anua zuite khat in, Topa aw, John in anua zuite thunget ding dan a hilh bangin kohaw zong ei hilh in, a ci hi. Tua ciengin Jeshu’n amahaw kungah, Thu na nget ciengun, hici nget un. Pa aw na min siengtho ki za-tat in; Na gam hing tung ta heh. Tu ni aa ka neh khop ding uh an ei pie’n. Ka tung uh aa ang mawh te ka maai-sah bangun, ka mawh nate uh ei maai-sah in. Ze-et na ei thuohsah sin, ci un a ci hi.Tuaciengin Ama'n a kung uh ah, Gente-na in, nalah uh ah lawmneih khat in zankim ciengin a lawmpa kungah pei-in, ‘Lawm aw, anluum pheeng thum ei lei-tawi in, azieh pen, kalawmpa khat a khuolh zin na pan ang tung aa, a mai-ah luih ding bangma ka neih sih hi,’ a ci hi. Tualeh, a lawm pa'n inn sungpan in, ‘Kei ei buoisah sin, tu'n kot kikha zo aa, ka tate zong lupna tungah keima tawh a om ta uh hi. Tua ziehin kei tho in bangma kang pie theih sih hi,’ a ci hi. Ke'n kang ci-in, tuapa pen a lawmpa ahi ziehin, tho in bangma va pie ta sih nanleh a nget tentun zieh in tho in a kisap bangbang tuapa a pie ding hi. Khatvei kang ci in, Ngen un, na nget uh leh ang kipie ding hi. Sui un, na suih uh leh na mu ding uh aa, tuaciin, kieu un, na kieu uh leh ang kihon ding hi. Azieh pen, a ngen tapo in ngah aa, a sui tapo in mu in, a kieu tapo kot aki hon ding hi.'Nohaw lah-ah ata pa’n apa kungah nga ngen leh ngasa tangin gul a pie ding, ahi sihleh Aatui ngen leh mom-ai a pie ding koih a om hiei? Tua hi aa, no mi gilo te na ngawn in na tate uh na hoih piehdan theih na hi uh leh tua saang-in van aa om na Pa un a ngen mite tungah Hlagau Sieng tho angh pie zaw ding hilo amah?, ci’n agen hi.
Ta min Topa lung dam na lai sieng tho ahi hi.
CHRISTU TOPA AW, NATUNG AH MIN THAN NA OM TA HEN.
Credit....
