EL CHIIN [Zo Head-Hunting True Story] Full Movie HD


Story Line [In Zou]
EL-CHIIN (Script in Brief)

Nidang lai in ipu ipate kho khat leh kho khat ana ki dou jel uhi. Thau, Tempawng, Heikhupte zang in Gal ana ki saat tuo jel uhi.
Ni khat Kho Ni nasatah in aki dou ua, tualah ah Pasal gal haat mama khat apang a, amin ahi le HANGPU ahi. Tua kidouna ah aman Gal ahing zou a, Gal Ai na dingin Tangval khat ahing man hi. A Galmatpa khau a khi-in a Inn lam ah ahing kai ta hi.
nn a tung a Gal Ai pai di achi le, Zu-le-Sa kining ching a nei nai lou jiehin Pawltah a ngah mai ngai ta hi. Tuachiin agalmatpa Suoh in ajang phot ta hi. Na asem sah a neh khom ding Ann ape jel hi. A inn gei ua Inn neu khat alam a tuanah Khau a khi in ajan gieh sah jel hi. Ziing-le-zan in atanu Nungah melhoi tah mai in Ann a pe sah jel hi.
Tua nungahnun adam lou nate, ahimate jong Damdoi anu pieh jel a, ang ki mumu chieng un amau uh gel kal ah Iitna ang pieng a, ang ki ngai ta uhi.

Numei nu`n tam bang in Laa ahing sa hi. " Ka zuo lalhen zingdam solnou bang e! Ka kawi lou ding na lua sang e!" Galmat pan zong tam bang in ahing dawng hi. "Na kawi lou ding nalai a ka nat leh aw, juo henkol bul luoinam hing sut ven aw!" Numei nu`n ahing dawng kia a, " Zuo henkol bul nam bang ka sut dia leh sanggiel chiem aw, na Tuun sieng lam zong ni e!" Tuachiin galmat pan jong a inn lam ua pui ding in aki chiem a, numei nu'n jong asuút ta hi.Ani un galmatpa kholam zuon in ang ki tai ta uhi. Tam thu a Pa'n athei tah in thangpai mama a, Agalmatpa toh aki mu nini ua tha ding in aki han chiem ta hi.

Hun bangtan e khat ava um jou un numeinu ahing lungleng ta a, apienna Nu-le-pa, asanggamte ang ngai ta hi. Tuachiin apasal kung ah anua kawm uut ahi dan ang genta hi. Apasal in a sungpa lungthah nalai ding ahi dan athei a, a uut pai sih hi. Hinanleh azi`n ha jawl seng ahi man in pha asah pi ta hi. Tua chiin a zi ut na bang in asungte kawm ding in ang kisa ta ua, asung te kho lam juan in ang pei ta uhi.
Asungte khuo ang tung ta ua, asungpa na lungthah mama nalai hi. Hinaleh alungthah lam aki langsah sih hi. Asungte khuo a tom khat a um jou un, ni khat asung pa`n sa ai ding chi in Zu-le-sa ang kai khawm ta hi.Tuachinn khosung mite ang kikai khawm ta ua, Zu-le-sa ne in laamtang kai in hun ang zang ta uhi. Khum bang hun ang zah laitah un galmatpa laam ding in asawl ta ua, ama zong kipan pai in laamtual ah ang lamta hi.
Galmatpa a laam lai in azi in apa lungtup ang thei khe ta hi. Tam bang in azi in la ang sa hi. " Nang lah laam laam na ve chin, miel a dei aw, ka zuon sawl tel a totsa hawm laam aw e!!" Thakhat in apan anamsau ang zan doh a, galmat pa ngawn a vai tan ta hi. Tua chiin alu tual ah aki lia ta hi. Alu ala a khuom dawn khat ah ata ta hi. Azi da seng seng in apasal luong tung ah akap den ta hi. Anne lou Tui dawn lou ahi man in atha ang chau seng ta a, ang dam mo ta hi. Athoi dam ding in siempute ahan ua, hinanleh koiman athoi dam jou ta sih uhi.

Ama nun tam bang in la hing sa hi, "Sebuoi dawi lah hi sing e! Liim nga dawi lah hi sing e! Ngai ka sieng ah hing koi aw dam ta ning e!!" Apasal lugu hawm ala a, sathau hoi tah a jut jol a, puon kang a tuom in asun azaan in apom pom hi. Apasal siel siel le jong apasal lah hing kia nawn lou ding ahi man in, ama nu zong angen tang a ahin ding dan gel jou lou ahi man in, ni khat ama le ama aki tha sawm ta hi. Tuachiin kawl lam juon in ang pei ta hi. Apa gam zing pawt ang tun in atanu inn ah ana um ta sih a, ama pa zong lunghimaw ta a, kawl a ki tawm khe di khat hi va chiin ang nua del ta hi. Hinanleh amun ang tun tah in avaigei man ta a, atanu kawl a ki tawm khe sisa in ana um ta hi. Apa zong kisia in ata hawmthaw mama it seng in luan hi nul nanleh bangma apha tuam ta sih hi.




COMPARTILHAR:
← Newer Post Older Post → Home

No comments:

Post a Comment